Festi vinnur að því að auka lífsgæði - alla daga og auka verðmæti í sátt við samfélagið.
Samstæða Festi þjónustar landsmenn með nauðsynjavörur og -þjónustu og lítur á sjálfbærni sem órjúfanlegan hluta af traustum og framsýnum rekstri.
Fjölbreyttur rekstur veldur því að félög Festi standa frammi fyrir ólíkum áskorunum í sjálfbærni, en á sama tíma eru tækifærin til framfara og áhrifa víðtæk. Félagið vinnur markvisst að því að þróa vöruframboð og þjónustu í takti við sjálfbærnimarkmið, leiða orkuskipti, draga úr sóun og styðja við verndun auðlinda. Það er trú stjórnenda Festi að ýmis viðskiptatækifæri felist í sjálfbærni og stefnumið í þágu sjálfbærni muni, ásamt fleiri þáttum, styrkja enn frekar undirstöður samstæðunnar til lengri tíma litið.
Festi er þátttakandi í UN Global Compact á Íslandi sem er sáttmáli Sameinuðu Þjóðanna og atvinnulífs um ábyrga starfshætti og stærsta alþjóðlega sjálfbærniframtak í heimi. Með þátttöku sinni skuldbindur félagið sig til að aðlaga rekstur og starfsemi sína að tíu grundvallarmarkmiðum sáttmálans á sviði mannréttinda, vinnumarkaðsmála, umhverfis og góðum stjórnarháttum ásamt Heimsmarkmiðum Sameinuðu þjóðanna um sjálfbæra þróun.
Á hverju ári birtir Festi sjálfbærniskýrslu sem hluta af ársskýrslu félagsins auk þess sem sjálfbærniuppgjör byggt á ESRS hefur verið birt síðastliðin ár.
Félög samstæðu Festi birta sjálfbærniskýrslur árlega. Nýjustu skýrslurnar má nálgast hér:
Sjálfbærnistefna Festi hefur það hlutverk að marka áherslur samstæðu Festi og rekstrarfélaga þess í umhverfisþáttum, félagslegum þáttum og stjórnarháttum.
Sjálfbærnistefna samstæðunnar setur skýr markmið fyrir félagið auk þess að lista upp ýmsar stuðningsaðgerðir í umhverfis-, félags- og stjórnarháttum. Hún styður við langtímasýn okkar um ábyrgari rekstur og sjálfbærari framtíð og styrkir þar með samstæðuna í vegferð sinni um að vera meðal leiðandi fyrirtækja í sjálfbærni á Íslandi.
Festi skuldbindur sig til að ná nettónúll losun í eigin rekstri árið 2031 (þ.e. þar sem við höfum sjálf bein áhrif á losun) og nettónúll losun fyrir alla samstæðuna árið 2050 (hér bætist við losun frá virðiskeðjunni).Við ætlum því að hafa lokið útskiptum kælimiðla sem ganga fyrir F-gösum í lok árs 2031 og að draga úr losun vegna bruna jarðefnaeldsneytis í rekstri samstæðunnar um 90% í lok árs 2031 m.v. árið 2023.
Önnur markmið má lesa um í stefnunni sjálfri sem nálgast má hér fyrir neðan: